बालक अपहरणकारीलाई गोली हानेर पक्राउ

प्रकाशित मिति

२०७६ कार्तिक २० गते, बुधबार १२:०८

पर्सा, पर्सामा मंगलबार राति बालक अपहरणकारीलाई गोली हानेर पक्राउ गरेको छ । साथै अपहरणमा परेका बालकको पनि सकुशल उद्धार गरेको छ । दश दिनअघि अपहरणमा परेका बालकको उद्धार गर्ने क्रममा पर्सा प्रहरीले गोली हानेर अपहरणकारी पोखरीया नगरपालिका–८ बस्ने राजकुमार दासलाई पक्राउ गरेको हो । दासको दाहिने खुट्टामा गोली लागेको छ ।

गोली लागेर घाइते भएका अपहरणकारीको नारायणी अस्पतालमा उपचार भइरहेको छ । बुधबार बिहान जिल्ला प्रहरी कार्यालय पर्सामा पत्रकार सम्मेलन गरेर विस्तृतमा जानकारी दिने बताइएको छ ।