मातृभूमिन्युज संवाददाता / कपिलवस्तु

पूर्व–पश्चिम राजमार्ग अन्तर्गत कपिलवस्तुको शिवराज नगरपालिका–१, रेन्जरपोष्ट (माइक्रोथान) नजिकै सडकको बीचमा बम जस्तो देखिने अज्ञात वस्तु राखिएको अवस्थामा फेला परेको छ । अज्ञात वस्तुका कारण सडक नै अवरुद्ध भएको जनाइको छ । नेपाल प्रहरीद्वारा सुरक्षा व्यवस्था कडा गरिएको छ । नेपाल आर्मीको टोली आएपछि डिष्पोज गरि सडक सुचारु गरिने वडा प्रहरी चन्द्रौटाले बतानुभएको छ ।

श्री सरस्वती आधारभूत विद्यालयदेखि ३०० मिटरको दूरीमा राखिएको अज्ञात वस्तुले बालबालिकाहरुमा समेत त्रास बढेको छ । यस किसिमले विद्यालय हाता नजिकै कोही कसैले पनि बालबालिकाहरुलाई तर्साउने खालको कुनै पनि गतिविधि नगर्न नगराउन विद्यालय परिवार तथा विद्यालय बालक्लबद्वारा अपिल गरिएको छ ।