काठमाडौं, टीभीएस दशैंको दौड अन्तर्गत नेपालका मूख्य मूख्य सहरहरुमा टीभीएस ह्विली बिट्स नामक कन्सर्ट हुने भएको छ । सो कन्सर्टमा स्टन्ट शो समेत हुनेछ । हालै नेपाली बजारमा भित्रिएका टीभीएसका दुई नयाँ बाइक आरटीआर १६० २भी र रेडिअन ११० को लन्च पनि सो कार्यक्रमबाट हुनेछ ।

सो कार्यक्रमको सुरुवात आइतबार जनकपुरबाट हुने नेपालमा टीभीएस बाइक तथा स्कुटरको आधिकारिक वितरक जगदम्बा मोटर्सका मार्केटिङ म्यानेजर नवराज कोइरालाले बताउनुभयो । सो कार्यक्रमको मूख्य उद्देश्य नेपाली कला, संस्कृतिलाई जोगाउनु भएको र जनकपुरधामको कला संस्कृतिको पौराणिक इतिहास भएकोले यसको सुरुवात पनि जनकपुरबाट गरिएको उहाँले बताउनुभयो ।

सो कार्यक्रममा स्टन्टका साथै नृत्य, गायन र अन्य मनोरञ्जनात्मक प्रस्तुति हुनेछ । यसमा लोकप्रिय राष्ट्रिय कलाकारका साथै स्थानीय कलाकारको समेत सहभागिता हुने बताइएको छ ।