एजेन्सी, रोमानियाका आन्तरिक मामिलामन्त्रीले एकजना किशोरीको हत्या प्रकरणमा प्रहरी प्रमुखलाई बर्खास्त गरेका छन् । ती किशोरीले प्रहरीको आपत्‌कालीन टेलिफोन नम्बरमा फोन गरे पनि घण्टौंसम्म त्यसप्रति कारबाही अगाडि नबढाइको कारण मन्त्रीले प्रहरी प्रमुखलाई बर्खास्त गरेका हुन् ।

अपहरणमै परेको अवस्थामा पन्ध्र वर्षीया किशोरीले प्रहरीलाई तीन पटक फोन गरी आफूलाई राखिएको ठाउँबारे जानकारी गराएकी थिइन् । तर प्रहरीले बेवास्ता गरेपछि अपहरित किशोरी मारिन पुगिन् र किशोरीको परिवारले अधिकारीहरुले उनको फोनलाई गम्भीर रुपमा नलिएको आरोप लगाएका हुन् ।