काठमाडौं, सन् २०२२ मा हुने विश्वकप फुटबलको दोस्रो चरणको छनोटमा नेपाल ‘बी’ समूहमा परेको छ । बुधबार एसियन फुटबल फेडेरेसनले मलेसियामा सार्वजनिक गरेको ‘ड्र’ मा नेपालसँगै कुबेत, चाइनिज ताइपेई, जोर्डन र अष्ट्रेलिया समूह ‘बी’ मा परेका छन् ।

एसियाका ४० राष्ट्रलाई आठ समूहमा विभाजन गरिएको छ जसमा नेपाल शीर्ष ३४ भित्र पर्दै विश्वकप छनोटको दोस्रो चरण खेल्न पाउने भएको हो । आठ समूह विजेता र ४ उत्कृष्ट उपविजेता गरी १२ टिमले विश्वकप छनोटको अन्तिम चरणमा पुग्नेछन् । त्यस्तै, यी १२ टिमले नै सन् २०२३ मा हुने एसियन कपमा स्थान बनाउने छन् ।पहिलो चरणको खेल आउँदो सेप्टेम्बर ५ देखि सुरु हुनेछ।