कञ्चनपुरः पछिल्लो समय सडक दुर्घटना अत्याधिक मात्रामा बढेसँगै ट्राफिक प्रहरीले विभिन्न ठाउँहरुमा सवारी साधन चेकजाँचमा कडाइ गरेको छ । त्यस्तै कञ्चनपुरमा पनि विभिन्न किसीमका गाडीहरु चेकजाँच गरिरहेको छ । सोही अनुसार चालू आर्थिक वर्षमा ट्राफिक नियम उल्लंघन गर्ने ११ हजार ५ सय १० सवारी साधन कारवाहीमा परेका छन् ।

ओभरलोड तथा मादक पदार्थ सेवन गरी सवारी चलाउने क्रम बढेका कारण सवारी दुर्घटना पनि बढेको भन्दै ट्राफिक प्रहरीले सवारी ऐन नियम उल्लंघन गर्ने सवारी साधनलाई कडाइ गर्न थालेको हो । जिल्ला ट्राफिक प्रहरी कार्यालय कञ्चनपुरका अनुसार कारवाहीमा परेका सवारी साधनबाट ६६ लाख ४७ हजार रुपैयाँ राजस्व संकलन भएको छ ।