शिक्षा विभाग सानोठिमी काजमा रहेका काभ्रे शिक्षा विकास समन्वय इकाइ धुलिखेलमा कार्यरत सबइन्जिनियर घुससहित रङ्गेहात पक्राउ परेका छन् ।सबइन्जिनियर धनवीर भगतलाई १ लाख ५० हजार घुस लिएको आरोपमा मंगलबार अख्तियार दुरुपयोग अनुसन्धान आयोगले नियन्त्रणमा लिएको हो ।भगतले काभ्रेको विभिन्न ठाउँका १७ वटा विद्यालयको मर्मत कार्य हेर्दै आएका थिए ।उनले मर्मत कार्य हेर्ने क्रममा प्रमाणपत्रको सिफारीस गर्दा घूस मागेको गुनासो सेवाग्राहीले गर्दै आएका थिए ।

भगतले शिक्षाकै पुर्व कर्मचारी निरजकुमार चौधरीमार्फत घुस लिने गरेको अनुसन्धानबाट देखिएको आयोगले जनाएको छ ।भगतले घुस रकम राष्ट्रिय वाणिज्य बैंकमा जम्मा गर्न लगाएका थिए । चौधरीलाई पनि आयोगले नियन्त्रणामा लिएको छ ।

उनलाई सोही आधारमा अख्तियार दुरुपयोग अनुसन्धान आयोगले नियन्त्रणमा लिएको हो ।