सर्लाहीः सर्लाहीको लालबन्दी नगरपालिकामा अज्ञात समूहको गोली प्रहारबाट एक मजदुर घाइते भएका छन्। शनिबार हिाजो दिउँसो लालबन्दी नगरपालिका १, नवलपुर निवासी ३० वर्षीय जयनाथ महतो अज्ञात समूहको गोली लागेर घाइते भएका हुन् । स्थानीय ब्रह्मस्थान मन्दिर निर्माणमा मजदुरीको काम गरिरहेको अवस्थामा शनिबार मध्यान्ह मोटरसाइकलमा आएका दुई जनाको समूहले महतोमाथि गोली प्रहार गरेको बताइएको छ ।

दाहिने पाखुरामा गोली लागेका महतोलाई नवलपुरस्थित स्वास्थ्य केन्द्रमा प्राथमिक उपचारपश्चात थप उपचारका लागि वीरगंजतर्फ पठाइएको प्रहरी नायब उपरीक्षक प्रतित सिंह राठौरले जानकारी दिनुभयो । गोली कसले र किन प्रहार गरेको हो त्यो अहिलेसम्म खुल्न नसकेको बताइएको छ ।