काठमाडौं महानगरपालिका बौद्ध बस्ने खोटाङ मंगलटार गाउँपालिका- ६ घर भएका २९ वर्षीय भविराज राईलाई चन्दा असुली रसिद लगायत नेकपा विप्लप समूहको विभिन्न दस्ताबेज सहित काठमाडौं महानगरपालिका-४ सुकेधारबाट सोमबार प्रहरीले पक्राउ गरेको छ ।
उक्त स्थानमा जाँच गर्ने क्रममा राईले चलाएको बा.२ ज ३८७१ नम्बरको ट्याक्सीबाट चन्दा असुली गर्ने रसिद, अखिल क्रान्तिकारी यातायात मजुदर संघको सदस्य रसिद ५० थान, सोही संघको पर्चा ३ सय थान लगायतका कागजात फेला पारी उनलाई प्रहरीले पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।