३ भदौ २०८३ काठमाडौं – नेपाल राष्ट्र बैंकले बैंकिङ प्रणालीमा रहेको अतिरिक्त तरलता व्यवस्थापन गर्न ३५ अर्ब रुपैयाँ खिच्ने भएको छ । केन्द्रीय बैंकले ६ महिने निक्षेप संकलन उपकरणमार्फत उक्त रकम खिच्न लागेको हो ।

निक्षेप संकलनको बोलकबोलमा क, ख र ग वर्गका बैंक तथा वित्तीय संस्थाले मात्र सहभागी हुन पाउनेछन् । बोलकबोल ब्याजदर वा बहुब्याजदरमा गर्नुपर्नेछ र ब्याजदर बोलकबोलबाटै निर्धारण हुनेछ । न्यूनतम १० करोड रुपैयाँदेखि १० करोडले भाग जाने गरी ३५ अर्ब रुपैयाँसम्म बोलकबोल गर्न सकिनेछ ।

निक्षेप संकलनको साँवा तथा ब्याज आगामी फागुन ३ गते भुक्तानी गरिनेछ । रकम बाँडफाँड गर्दा सबैभन्दा कम ब्याजदर प्रस्ताव गर्ने बैंक तथा वित्तीय संस्थालाई पहिलो प्राथमिकता दिइने राष्ट्र बैंकले जनाएको छ ।