जयपृथ्वी नगरपालिका-१० चैनपुर बजारस्थित चैन मेडिकल हलमा अनाधिकृत रुपमा औषधी विक्री वितरण गरेको अवस्थामा मेडिकल संचालक सुर्मा गाउँपालिका-२ डोगडी बस्ने २४ वर्षीय भैरब बोहरा र भारत घर भएका ५१ वर्षीय मनितोष बालालाई सोमबार दिउँसो प्रहरीले पक्राउ गरेको छ ।
जिल्ला प्रशासन कार्यालय, जिल्ला अस्पताल तथा नेपाल प्रहरीको संयुक्त टोलीले अनुगमन गर्ने क्रममा उक्त पसलमा अनाधिकृत रुपमा विक्री वितरण गर्न राखिएको बिभिन्न परिमाणको भियग्रा, ट्रमाडोल लगायतका बिभिन्न औषधीहरु फेला पारी उनीहरुलाई पक्राउ गरेको हो ।
यस सम्बन्धमा प्रहरीले थप आवश्यक अनुसन्धान गरिरहेको छ ।