ओखलढुंगा . लाक्पारिन्जी शेर्पासँग सगरमाथा आरोहण गर्न गएका भारतीय युवक निहाल वागवान साउथकोल चौथो शिविर सम्म ठिकै थिए ।

मे २२ का दिन शिखरतर्फ जाने तयारी भए पनि बेलुकी मौसम राम्रो नभएपछि उनीहरू त्यहीँ बसे ।

२३ तारिखका दिन राति नै बाटो लागेका उनीहरू बिहान साढे ९ बजेतिर शिखर पुगे ।

निहालमा एक्कासि कमजोरी देखियो । शिखर पुग्न दुई पाइला मात्र चाल्नुपर्ने अवस्थामा उनी नसकेर हिउँमै फ्यात्त बसे । बोली बुझ्न छाडियो ।

लाक्पाले उनको अक्सिजन चेक गरे । अक्सिजन नपुगेको हो कि भनी आफ्नो साटेर पनि ख्वाए । बाल्कोनीदेखि गाह्रो होला भनेर नयाँ सिलिन्डर फेरिदिएका थिए ।

यो समाचार आजको कान्तिपुरले छापेको छ ।