प्रहरी हुँ भन्दै धाकधम्की दिँदै हिड्ने एक नक्कली इन्सपेक्टर पक्राउ परेका छन् भने एक नक्कली सई फरार रहेका छन् ।

जेठ २१ गते सडक पेटीमा हिँड्दै गरेका बल बहादुर सार्कीलाई हामी प्रहरीको इन्सपेक्टर र सई हौं भन्दै चेकजाँच गर्ने बहानामा लछारपछार बनाएर कुटपिट गरी अभद्र व्यवहार गरेको उजुरी आएपछि उनीहरुलाई बिहीबार महानगरीय प्रहरी वृत्त बानेश्वरले पेप्सीकोलाबाट पक्राउ गरेकाे हो ।

पक्राउ पर्नेमा काभ्रे नमोबुद्व नगरपालिका–१ घर भई हाल काठमाडौं जडिबुटी बस्ने वर्ष २० को सौगात लुईटेल रहेका छन् भने अर्का नक्कली सई भने फरार रहेको र खाजी कार्य जारी रहेको महानगरिय प्रहरी परिसर काठमाडौंले जनाएको छ ।