एजेन्सी । उरुग्वेका स्टार खेलाडी लुइस स्वारेजले कोपा अमेरिका कपको तयारीकालागि प्रशिक्षण सुरु गरेका छन् । बार्सिलोनाबाट व्यवसायिक फुटबल खेलिरहेका स्वारेजले उरुग्वेको अन्तिम २३ सदस्यीय टोलीमा समावेश हुँदै प्रशिक्षण सुरु गरेका हुन् ।

उरुग्वेका प्रशिक्षक ओस्कार टावारेजले स्वारेजलाई समावेश गर्दै २३ सदस्यीय टोली घोषणा गर्दा फ्रेन्च क्लब पीएसजीका फरवार्ड एडिन्सन काभानी, एट्लेटिको मड्रिडका डिएगो गोडिन पनि अटाएका छन् । तर घुडाको चोटका कारण स्वारेज अन्तिम टोलीमा नपर्ने अवस्था छ ।

चोटकै कारण स्वारेजले भ्यालेन्सियाविरुद्धको कोपा डेल रेको फाइनल खेल गुमाएका थिए । सो खेल बार्सिलोना २–१ ले पराजित भएको थियो ।

उरुग्वेले कोपा अमेरिका कप अघि पानमासँग मैत्रीपुर्ण खेल खेल्दैछ । समूह ‘सी’ मा रहेको उरुग्वेले जुन १६ मा इक्वेडरसँग खेल्दै कोपा अमेरिका कपको सुरुवा गर्नेछ ।