पूर्वकप्तान विराज महर्जनको बिदाइ

प्रकाशित मिति

२०७७ चैत्र १७ गते, मंगलवार ०९:१३

काठमाडौँ : नेपाली फुटबल टोलीका पूर्वकप्तान विराज महर्जनले बङ्गलादेश विरुद्धको अन्तर्राष्ट्रिय खेलबाट सन्यास लिएका छन् ।

उनले सोमबारको खेलबाट सन्यास लिने यसअघि नै घोषणा गरेका थिए । पूर्वकप्तान महर्जनको दशरथ रङ्गशालामा सोमबार बेलुका भव्य रुपमा बिदाइ गरिएको हो ।

बङ्गलादेश विरुद्धको खेलमा उनी खेलको ८९ औँ मिनेटमा मैदानमा प्रवेश गरेका थिए । उनी नेपालका तर्फबाट सर्वाधिक अन्तर्राष्ट्रिय खेल खेल्ने खेलाडी हुन् । महर्जनले ७३ खेल खेलेका छन् ।

त्रिदेशीय कपको उपाधि नेपालले बंगलादेशलाई २–१ ले पराजित गरेर उचालेको हो ।