आज अचानक गैंडाकोटस्थित हेमन्तको घरमा छिमेकीहरूको क्रमशः भीड बढ्दै गयो । साँझ ६ बजे काठमाडौंबाट एम्बुलेन्सले काठको बाकस बोकेर ल्यायो र उनको घरअगाडि छाडेर गयो । काठको बाकस घरको आँगनमा भित्रिएसँगै रुवावासी चल्यो । उनको प्राणविहीन शरीरको दर्शन गर्नेहरूको घुइँचो लाग्यो । अनुहार हेर्दा धपक्क बलेको ज्योतिजस्तो र एकछिन निदाएर उठिहाल्नान् जस्ता देखिन्थे तर उनी चिरनिद्रामा पुगेका रहेछन् । अधिकांश महिलाहरूका आँखाहरू रसाए भने पुरुषहरूले सकी नसकी आफ्ना आँखालाई रसाउन नदिने प्रयास गरे । एकोहोरो शंख बज्यो । उनलाई बाँसको डोली चढाइयो । सबै उनकै पछि पछि लागे । नारायणी नदीमा उनलाई अन्तिम बिदाइ गरेर रातको ११ बजे घर आइपुग्दा उनको घरमात्र होइन सबैका घरहरू शून्यजस्ता देखिए ।

हेमन्तले अभिनय गरेका र उत्पादन गरेका नाटकहरू अनि एभि न्युजले चार हप्ताअघि व्यक्ति विषय र विशेष कार्यक्रममा २८ मिनेटसम्म दिएको अन्तर्वार्ता नै अब हामीले युट्युबमा सम्झनामा रहे । हामीसँग सदाका लागि बिदाइ भएका हेमन्त बाबुप्रति हार्दिक श्रद्धाञ्जलि तथा शोकसन्तप्त परिवारजनमा हार्दिक समवेदना ।

सामाजिक संजालबाट