काठमाडौं, गायक रामकृष्ण ढकालको स्वर रहेको गीत ‘अधर’को म्युजिक भिडियो सार्वजनिक भएको छ। बेलायतका लागि नेपाली राजदूत डा. दुर्गाबहादुर सुवेदी दुबसु)का शब्द रहेको गीतमा संगीत शिखर सन्तोषले भरेका हुन्।

भिडियोमा विष्णु खरेल र मोडल रोश्ना कार्कीको अभिनय रहेको छ। विष्णुले यही भिडियोबाट मोडलिङमा पनि हात हालेका हुन्। उनी बेलायतमा नेपाली समुदायका व्यवसायी तथा समाजसेवीका रुपमा चिनिन्छन्। रोश्ना बेलायतमा स्थापित मोडल हुन्। रोश्नाले बेलायतमै निर्मित आधा दर्जन भिडियोमा अभिनय गरिसकेकी छिन्।

एक साता अघि बेलायतस्थित नेपाली दूतावासमा एक समारोहबीच भिडियो सार्वजनिक भएको हो। । भिडियोको निर्देशन, छायांकन र सम्पादन कुशल श्रेष्ठले गरेका हुन्।