भक्तपुर । भक्तपुर सूर्यविनायक नगरपालिका वडा नं. ७ ( गुण्डू) स्थित माता पाथीभरा वैष्णोदेवी मन्दिरमा हरेक एकादशीका दिन लगाइने एकदशी महात्म्यको लागि भजन समूह गठन गरिएको छ । श्रीमद्भागवत तथा गौसंरक्षण केन्द्रका प्रमुख संरक्षक तथा १०८ भागवत वाचक अरबिन्द्र शास्त्रीको विशेष उपस्थितिमा शुक्रवार गीता पण्डित बस्नेतको संयोजकत्वमा १३ सदस्यीय भजन समूह गठन गरिएको हो ।

उक्त समितिमा कोषाध्यक्ष रुपा कार्की, सचिव उमा बस्नेत, सहसचिव पूर्णिमा पुलामी मगर, सदस्यमा गमला बस्नेत, कृष्णमाया गाईसी, पवित्रा बस्नेत, ईश्वरी विष्ट, लक्ष्मी कार्की, मीनबहादुर सुनुवार, मञ्जु थापा, मनिषा खड्का र मिना थापा रहनु भएको छ ।

उक्त समितिमा अम्बिका बस्नेतको संयोजकत्वमा पाँच सदस्यीय सल्लकार समिति चयन भएको छ । सल्लाकार समितिको सदस्यमा अर्जुन बस्नेत, बच्चुराम बनेत (उमेश), विमला विष्ट, ज्ञानमाया श्रेष्ठ मगर रहनु भएको माता पाथीभरा मन्दिर व्यवस्थापन समितिले जनाएको छ । उक्त समितिले हरेक एकादशीका दिन हुने एकादशी महात्म्यमा विभिन्न भजन गाउने व्यवस्था गर्नेछ । भजन समितिका संयोजक गिता बस्नेतले भजनलाई प्रभावकारी बनाउने गरी आफूहरुले काम गर्ने बताउनुभयो ।