कञ्चनपुर, कञ्चनपुरमा पानी बोक्ने ट्यांकरको ठक्करबाट एक जनाको मृत्यु भएको छ। जिल्लाको पुनर्वास नगरपालिकाको कालिका स्वास्थ्यचौकीनजिक पानी बोक्ने ट्यांकरको ठक्करबाट मोटरसाइकलमा सवार एक जनाको मृत्यु भएको हो।

मृत्यु हुनेमा पुनर्वास नगरपालिका ७ का ३८ वर्षीय लोकेन्द्रसिंह ठकुरीको रहेको जिल्ला प्रहरी कार्यालय कञ्चनपुरका प्रहरी नायव उपरीक्षक अमरबहादुर थापाक्षेत्रीले जानकारी दिए। से ६ प ६४२६ नम्बरको मोटरसाईकलमा सवार ठकुरीलाई ट्यांकरले ठक्कर दिएको उनले बताए।

घटनापछि आक्रोसित स्थानीयले उक्त ट्यांकरमा आगजनी गरेका छन्।