कैलाली, कैलालीको एक विद्यालयमा आगलागी भएको छ। जिल्लाको बर्दगोरिया गाउँपालिका २ मा रहेको नव बालबाटिका विद्या मन्दिर विद्यालयमा आगलागी भएको प्रहरीले जनाएको छ।

शनिबार दिउँसो करिब ५ बजे तिर आगलागी भएको जिल्ला प्रहरी कार्यालय कैलालीले जनाएको छ । प्रहरीका अनुसार आगलागीबाट विद्यालयको गोदाममा रहेका फर्निचर, टेबललगायत अन्य सामाग्री जलेर नष्ट भएका छन्। स्थानीसयवासी, प्रहरी, सशस्त्र प्रहरी, लम्किचुहा नगरपालिकाको दमकल र घोडाघोडी नगरपालिकाको दमकलले करीब एक घण्टापछि आगो नियन्त्रणमा लिएको थियो।

विद्युत सर्ट भएर गोदाममा आगलागी भएको हुन सक्ने प्रहरी अनुमान छ।