काठमाडौँ, सत्तारूढ नेपाल कम्युनिस्ट पार्टी (नेकपा)को सचिवालयले स्थायी कमिटी बैठकको एजेण्डा तय गरेको छ । आइतबार बिहान प्रधानमन्त्री निवास बालुवाटारमा बसेको सचिवालय बैठकले स्थायी कमिटीका एजेण्डाहरू तय गरेको हो ।

यो बैठकमा प्रधानन्त्री एवं नेकपा अध्यक्ष केपी शर्मा ओली भने केहीबेर मात्र सहभागी हुनुभएको थियो । दिउँसो १ बजे पार्टी कार्यालय धुम्बाराहीमा बस्ने स्थायी कमिटी बैठकमा अध्यक्ष पुष्पकमल दाहाल ‘प्रचण्ड’द्धारा राजनीतिक प्रतिवेदन समेत पेस गर्ने कार्यक्रम रहेको प्रवक्ता नारायणकाजी श्रेष्ठले जनाउनु भएको छ । प्रतिबेदन दुबै अध्यक्षबीच परामर्श गरेर तयार पारिएको बुझिइएको छ । यसबाहेक विधान संशोधन, नेपाल भारत सीमा समस्या, केन्द्रीय कमिटी बैठकका एजेण्डा समेत रहेको प्रवक्ता श्रेष्ठले जनाउनु भएको छ ।