सिन्धुपाल्चोकमा बस दुर्घटनाः १३ जनाको मृत्यु

प्रकाशित मिति

२०७६ मंसिर २९ गते, आईतवार ०९:३६

सिन्धुपाल्चोक, भक्तपुरबाट दोलखाको कालिञ्चोकको दर्शन गरी फर्केको बस सिन्धुपाल्चोकको खाडिचौर–जिरी सडकखण्डको ६ किलोमा दुर्घटना हुँदा १३ जनाको मृत्यु भएको छ ।

दोलखाको कालिञ्चोकबाट भक्तपुर आउदै गरेको बा ४ ख ४४६८ नम्बरको बस सुनकोशी गाउँपालिका –७ स्थित ६ किलो मोडमा आइतबार बिहान दुर्घटना भएको हो । बस झण्डै पाँच सय मिटर तल खसेको प्रहरी जनाएको छ ।

नेपाली सेना, सशस्त्र र जनपद प्रहरीका साथै स्थानीयले उद्धार गरिरहेका छन् । घाइतेहरुको स्थानीय जनबहार अस्पतालदेखि धुलिखेल अस्पतालमा उपचार भइरहेको छ ।