३१ असार २०८३ काठमाडौं – सरकारले करार सेवामा कार्यरत कर्मचारीलाई हटाएर आउटसोर्सिङमार्फत कर्मचारी भर्ना गर्ने तयारी गरेको भन्दै विभिन्न मन्त्रालयका करार कर्मचारीहरूले सिंहदरबारको दक्षिण गेटअगाडि धर्ना दिएका छन्। १८ वटै मन्त्रालयमा कार्यरत करार कर्मचारीहरूले सरकारको तयारीले लामो समयदेखि करार सेवामा कार्यरत हजारौँ कर्मचारीको रोजगारी असुरक्षित हुने भन्दै निर्णय तत्काल फिर्ता लिन माग गरेका हुन्।

प्रदर्शनकारी कर्मचारीहरूले आफ्नो सेवाको सुनिश्चितता गर्न, विद्यमान करार कर्मचारीको रोजगारी संरक्षण गर्न तथा आउटसोर्सिङ प्रणाली लागू गर्ने निर्णय रोक्न सरकारसँग आग्रह गरेका छन्।

उनीहरूले सरकारले आफ्ना माग सम्बोधन नगरे आन्दोलनलाई थप सशक्त बनाउने चेतावनी समेत दिएका छन्।