१४ बैशाख २०८३ काठमाडौं- स्नो रिभर्स लिमिटेडले यही वैशाख २९ गतेदेखि सर्वसाधारणका लागि प्राथमिक शेयर (आईपीओ) निष्काशन गर्ने भएको छ।कम्पनीले यसअघि आयोजना प्रभावित स्थानीय बासिन्दा र वैदेशिक रोजगारीमा रहेका नेपालीलाई आईपीओ बाँडफाँड गरिसकेको छ। अब बाँकी शेयर सर्वसाधारणका लागि खुला गर्न लागेको हो।

कम्पनीले आफ्नो ९३ करोड ७५ लाख रुपैयाँ जारी पूँजीको २० प्रतिशतबराबर १८ करोड ७५ लाख रुपैयाँको आईपीओ निष्काशन गर्न नेपाल धितोपत्र बोर्डबाट अनुमति पाएको छ। प्रतिशेयर १०० रुपैयाँ अंकित दरमा कुल १८ लाख ७५ हजार कित्ता शेयर जारी हुनेछ।

जसमध्ये ९ लाख ३७ हजार ५०० कित्ता आयोजना प्रभावितलाई र ९३ हजार ७५० कित्ता वैदेशिक रोजगारीमा रहेका नेपालीलाई बाँडफाँड भइसकेको छ। बाँकीमध्ये ४६ हजार ८७५ कित्ता सामूहिक लगानी कोषका लागि र १८ हजार ७५० कित्ता कर्मचारीका लागि सुरक्षित गरिएको छ। यसपछि बाँकी रहेको ७ लाख ७८ हजार १२५ कित्ता शेयर सर्वसाधारणका लागि खुला गरिनेछ। सर्वसाधारणले न्यूनतम १० कित्ता र अधिकतम १ हजार कित्तासम्म आवेदन दिन सक्नेछन्।

आईपीओमा आवेदन वैशाख २९ गतेदेखि जेठ १ गतेसम्म बैंकिङ समयभित्र दिन सकिनेछ। कम्पनीको निष्काशन तथा बिक्री प्रबन्धक सानिमा क्यापिटल लिमिटेड रहेको छ।