२२ चैत,२०८२ काठमाडौं – गुण्डागर्दी गतिविधिमा संलग्न रहेको आरोपमा प्रहरीले १८ जनालाई गएराति पक्राउ गरेको छ। जिल्ला प्रहरी परिसर काठमाडौं का अनुसार ‘सानुभाइ’ भनिने युवराज गुरुङ सहित १८ जनालाई सामाखुसी क्षेत्रबाट नियन्त्रणमा लिइएको हो।

नुवाकोट जिल्ला ककनी गाउँपालिका–५ घर भई टोखास्थित सूर्यदर्शन हाइटमा बस्दै आएका ३३ वर्षीय गुरुङ यसअघि पनि पटक–पटक पक्राउ परेका व्यक्ति भएको प्रहरीले जनाएको छ।

यसअघि शुक्रबार राति पनि प्रहरीले १७ जनालाई पक्राउ गरेर अनुसन्धान अघि बढाइरहेको छ। पक्राउ परेकामाथि थप अनुसन्धान भइरहेको प्रहरीले जानकारी दिएको छ।