२२ चैत,२०८२ काठमाडौं – नेकपा एमालेका अध्यक्ष केपी शर्मा ओली र नेपाली कांग्रेसका नेता रमेश लेखक विरुद्ध दायर बन्दीप्रत्यक्षीकरण रिटमा आज सर्वोच्च अदालतमा सुनुवाइ हुँदैछ। यसअघि सर्वोच्च अदालत ले जारी गरेको कारण देखाउ आदेशपछि विपक्षी पक्षले लिखित जवाफ पेश गरिसकेकाले आज सुनुवाइ प्रक्रिया अगाडि बढ्न लागेको हो।

भदौ २३ र २४ गते भएको आन्दोलनको जाँचबुझ समितिको सिफारिसका आधारमा दुवै नेता चैत १४ गते पक्राउ परेका थिए। अध्यक्ष ओलीकी पत्नी राधिका शाक्य तथा नेता लेखककी पत्नी यशोदा लेखकले थुनामुक्त गर्न माग गर्दै सर्वोच्च अदालतमा बन्दीप्रत्यक्षीकरणको रिट दायर गरेका हुन्।

यसअघि सर्वोच्चका छुट्टाछुट्टै इजलासले दुवै रिटमाथि सरकारका नाममा कारण देखाउ आदेश जारी गरेका थिए।