१८ चैत,२०८२ काठमाडौं – नेपाली कांग्रेसका प्रभावशाली नेता डा. चन्द्र भण्डारीले पार्टीभित्र देखिएका समानान्तर गतिविधि र पुराना नेताहरूको व्यवहारप्रति असन्तुष्टि जनाएका छन्। सामाजिक सञ्जालमार्फत उनले संयमित र जिम्मेवार राजनीति गर्न आग्रह गर्दै पाका नेताहरूबाट झगडामुखी गतिविधि हुनु दुर्भाग्यपूर्ण भएको टिप्पणी गरेका छन्।

उनले पूर्व कार्यवाहक सभापति पूर्णबहादुर खड्का र नेता शेखर कोइराला समूहलाई लक्षित गर्दै यस्तो गतिविधिले पार्टीलाई राम्रो सन्देश नदिने बताएका छन्। भण्डारीले “झगडा राजनीति हो ?” भन्दै प्रश्न उठाउँदै लोकतान्त्रिक अभ्यासमा विचार फरक हुन सक्ने भए पनि त्यसलाई विभाजन र विवादतर्फ लैजानु गलत भएको स्पष्ट पारेका छन्। उनले पार्टीका सबै नेता–कार्यकर्तालाई विधि, मूल्य र मान्यताभित्र रहेर अघि बढ्न आह्वान गरेका छन्।