१५ चैत,२०८२ काठमाडौं – नेपाल विद्युत प्राधिकरणले जेन–जी आन्दोलनका सहिद परिवारका सदस्यलाई रोजगारी दिने प्रक्रिया अघि बढाएको छ।प्राधिकरणले रोजगारीका लागि निवेदन प्राप्त भएका आधारमा २७ जनाको नाम सार्वजनिक गर्दै सम्पर्कमा आउन आग्रह गरेको छ।

ऊर्जा, जलस्रोत तथा सिँचाइ मन्त्रालयमार्फत जेन–जी सहिद परिवारका सदस्यबाट प्राप्त निवेदनका आधारमा यो प्रक्रिया अघि बढाइएको हो। जेन–जी आन्दोलनमा घाइते तथा सहिद परिवारका लागि राहत सम्बन्धी कार्यविधि, २०८२ अनुसार सहिद परिवारका सदस्यलाई रोजगारी दिने व्यवस्था गरिएको छ। सोही व्यवस्थाअनुसार प्राधिकरणले नाम सार्वजनिक गरेको हो।

प्राधिकरणले ती २७ जनाबाहेक अरु कसैको दाबी भए ३५ दिनभित्र आवश्यक कागजातसहित काठमाडौंस्थित केन्द्रीय कर्मचारी प्रशासन शाखामा सम्पर्क गर्न आग्रह गरेको छ।