१३ चैत,२०८२ काठमाडौं – नवनियुक्त गृहमन्त्री सुधन गुरूङले शपथ ग्रहणपछि सिंहदरबार पुगेर पदभार ग्रहण गरेका छन्। पदभार सम्हाल्दै उनले पहिलो निर्णयस्वरूप सबै काम एकद्वार प्रणालीबाट अघि बढाउने घोषणा गरेका छन्।

सेवा प्रवाहलाई सरल र प्रभावकारी बनाउने लक्ष्यसहित यो निर्णय लिइएको उनले बताएका छन्। कार्यक्रममा बोल्दै गुरूङले भीआईपी लावालस्कर देखाएर जनतालाई दुःख दिने प्रवृत्ति अन्त्य गर्नुपर्ने बताए। “कम बोल्ने मान्छे हुँ, अब एक्सनमा जान्छु,” भन्दै उनले सुशासनविरुद्ध कुनै पनि काम हुन नदिने प्रतिबद्धता व्यक्त गरे।

साथै, उनले सेवा प्रवाहमा गुनासा आउन नदिन कर्मचारीहरूलाई जिम्मेवार ढंगले काम गर्न आग्रह गरेका छन्।