१८ माघ,२०८२ काठमाडौं – नेपाली बजारमा सुनको मूल्यमा ठूलो गिरावट आएको छ। नेपाल सुनचाँदी व्यवसायी महासंघका अनुसार आइतबार सुनको मूल्य प्रतितोला १८ हजार ८०० रुपैयाँले घटेको हो।

शुक्रबार प्रतितोला तीन लाख १८ हजार ८०० रुपैयाँमा कारोबार भएको सुन आइतबार घटेर प्रतितोला तीन लाख रुपैयाँमा झरेको छ।

त्यसैगरी चाँदीको मूल्यमा पनि उल्लेख्य गिरावट आएको छ। चाँदीको मूल्य तोलामा एक हजार ५६५ रुपैयाँले घट्दै पाँच हजार ५०० रुपैयाँ कायम भएको महासंघले जनाएको छ। यसअघि शुक्रबार चाँदी प्रतितोला सात हजार ६५ रुपैयाँमा कारोबार भएको थियो।