मंसिर ९, २०८२ काठमाडौं – नेपाल प्रिमियर लिग (एनपीएल) अन्तर्गत आज एक मात्र खेल हुँदैछ। आज काठमाडौँ गोर्खाज र लुम्बिनी लायन्सबीच हुने भिडन्त नेपाली समय अनुसार दिउँसो ४ बजे सुरू हुने तालिका छ।

जारी प्रतियोगितामा काठमाडौँ गोर्खाजले ३ खेलमध्ये १ जित र २ हार खेलेको छ भने लुम्बिनी लायन्सले २ खेलमा १ जित र १ हार दर्ता गरेको छ।

लुम्बिनी लायन्स रोहितकुमार पौडेलको कप्तानीमा खेलिरहेको छ। टोलीमा राष्ट्रिय खेलाडी सन्दीप जोरा, विवेक यादवसहित विदेशी खेलाडी थोमस ड्राका, डार्सी सर्ट, गुलबदीन नाइब, जेजे स्मिथ र रुबेन ट्रम्पलम्यान रहेका छन्।

उता काठमाडौँ गोर्खाज करण केसीको कप्तानीमा मैदान उत्रँदैछ। टोलीमा राष्ट्रिय खेलाडी भीम सार्की, शाहब अलाम, रशिद खान, मोहमद आदिल आलम रहेको छ भने विदेशी खेलाडीमा मार्वे गेरार्ड इरासमस, जोन एन्ड्र्यु सिम्पसन र मिलिन्द कुमार समावेश छन्।

दुवै टोलीले समान जीत–हारको तालिका सुधार्ने प्रयास गर्ने भएकाले आजको खेल प्रतिस्पर्धात्मक हुने अनुमान गरिएको छ।