कात्तिक ३०, २०८२ काठमाडौं— नेकपा एमालेको ११औं महाधिवेशन काठमाडौंको प्रदर्शनीमार्गस्थित भृकुटीमण्डपमा हुने भएको छ। आगामी मंसिर २७ देखि २९ गतेसम्म चल्ने महाधिवेशनका उद्घाटन र समापन समारोह यही स्थलमै आयोजना गरिने पार्टीका प्रचार विभाग प्रमुख राजेन्द्र गौतमले जानकारी दिएका हुन्।

महाधिवेशनमा करिब २५ सय प्रतिनिधिहरू सहभागी हुनेछन्। यस महाधिवेशनमार्फत पार्टीले नयाँ नेतृत्व चयन गर्नेछ। अध्यक्ष पदमा वर्तमान अध्यक्ष केपी शर्मा ओली पुनः उम्मेदवार बन्ने तयारीमा रहेका छन् भने वरिष्ठ उपाध्यक्ष ईश्वर पोखरेल पनि अध्यक्ष पदका लागि दाबी गर्न तयार भएको बताइएको छ।