काठमाडौँ । दुर्गा प्रसाईं नेतृत्वको ‘राष्ट्र, राष्ट्रियता, धर्म, संस्कृति र नागरिक बचाऔं महाअभियान’ ले सरकारलाई २७ बुँदे मागपत्र बुझाएको छ। बुधबार गृह मन्त्रालयमा गृहमन्त्री ओमप्रकाश अर्यालसँगको भेटवार्ताका क्रममा प्रसाईं समूहका माधव प्रसाद खतिवडाले मागपत्र बुझाएका हुन्।

वार्ता आजकै लागि सकिएको वार्ताको सहजीकरण गरेका अधिवक्ता विनोदमणि भट्टराईले जानकारी दिए। मागपत्रमा हालको संविधान खारेज गरी वैदिक सनातन धर्म सापेक्ष हिन्दु अधिराज्य र संवैधानिक राजसंस्था पुनर्स्थापना गर्ने माग गरिएको छ।
त्यस्तो व्यवस्था जनमत संग्रहमार्फत टुंग्याउनुपर्ने उल्लेख छ।

त्यस्तै, हालको संघीय संरचना खारेज गरी पुरानै ५ विकास क्षेत्र, १४ अञ्चल र ७५ जिल्लाको संरचना कायम गर्नुपर्ने मागसमेत समावेश छ।