चितवन — भरतपुर अस्पतालमा सुत्केरी गराउन आएकी ३० वर्षीया संगीता विकको उपचारका क्रममा मृत्यु भएपछि आफन्तले अस्पतालमा नाराबाजी गरेका छन्। पर्सा घरकी विकलाई कात्तिक २० गते अस्पतालमा भर्ना गरिएको थियो।

बच्चाको धड्कन नभएपछि नर्मल डेलिभरीको प्रयास गर्ने क्रममा अवस्था बिग्रँदा उनलाई आईसीयूमा सारिएको र कात्तिक २२ गते राति मृत्यु भएको परिवारको भनाइ छ। आफन्तले चिकित्सकको लापरबाहीका कारण ज्यान गएको दाबी गर्दै छानबिनको माग गरेका छन्।

तर अस्पतालका प्रवक्ता डा. रामप्रसाद सापकोटाले उपचारमा लापरबाही नभएको र विकको मृत्यु पल्मोनरी एम्बोलिजमका कारण भएको बताए।