विदेशबाट मतदानको कानुनी प्रावधानबारे निर्वाचन आयोगमा

प्रकाशित मिति

२०८२ कार्तिक १४ गते, शुक्रबार ०१:१५

कात्तिक १४, २०८२ काठमाडौं— गृह मन्त्रालयले विदेशमा रहेका नेपालीले सम्बन्धित देशबाट मतदान गर्न पाउने गरी चारवटा ऐन संशोधनको प्रस्ताव निर्वाचन आयोगमा पठाएको छ। आयोगले यस विषयमा छलफल सुरु गरेको छ भने अधिकारीहरूले यसप्रति सकारात्मक प्रतिक्रिया देखाएका छन्।

संशोधन प्रस्तावमा प्रतिनिधिसभा सदस्य निर्वाचन ऐन, निर्वाचन आयोग ऐन, मतदाता नामावली ऐन र निर्वाचन कसुर तथा सजाय ऐन समावेश छन्। कानुनी व्यवस्था तयार भएपछि मतदान केन्द्र, कर्मचारी व्यवस्थापन र खर्चलगायत अन्य तयारी अघि बढाइने गृह मन्त्रालयले जनाएको छ।