कात्तिक १४, २०८२ काठमाडौं— नेपाली कांग्रेसमा मंसिरभित्र हुने महाधिवेशनको विषय पेचिलो बनेको छ। बिहीबार महामन्त्री गगन थापाले कार्यवाहक सभापति पूर्णबहादुर खड्कासँग सहमति नहुँदा केन्द्रीय समितिको बैठक बहिष्कार गरेका छन्।

उक्त बहिष्कारलाई गगनको विद्रोहको रूपमा हेरिएको छ। कांग्रेसका नेता शेखर कोइरालाले विवाद समाधानका लागि महामन्त्री र अन्य नेतासँग छलफल गरेका छन्।

कांग्रेसमा अहिले नियमित वा विशेष महाधिवेशन कहिले गर्ने भन्नेमा मतभेद छ। संस्थापन पक्ष तत्काल महाधिवेशनमा नजान चाहन्छ भने गगन–कोइराला पक्ष तत्काल महाधिवेशनको पक्षमा छ। गत असोज २८ गतेदेखि जारी केन्द्रीय समितिको बैठक आज दिउँसो १ बजे पुनः बस्नेछ।