काठमाडौँ। प्रधानमन्त्री सुशीला कार्कीले देशको वर्तमान सुरक्षा अवस्थाबारे समीक्षा गर्न चारवटै सुरक्षा निकायका प्रमुखहरूसँग उच्चस्तरीय छलफल गरेकी छन्।

प्रधानमन्त्रीको सरकारी निवास बालुवाटारमा शनिबार बिहान करिब दुई घण्टा लामो बैठक बसेको हो। बैठकमा गृहमन्त्री ओमप्रकाश अर्याल, गृहसचिव रामेश्वर दंगाल, र नेपाल प्रहरी, सशस्त्र प्रहरी, राष्ट्रिय अनुसन्धान विभाग र नेपाली सेनाका प्रमुखहरू सहभागी थिए।

प्रधानमन्त्रीको सचिवालयका अनुसार बैठकमा देशको हालको सुरक्षा अवस्था, सम्भावित चुनौती र आवश्यक कदमबारे विस्तृत समीक्षा गरिएको थियो। सुरक्षा प्रमुखहरूले आ–आफ्नो निकायको तर्फबाट हालको अवस्थाको विश्लेषण र आगामी रणनीतिबारे प्रधानमन्त्रीलाई जानकारी गराएको स्रोतले जनाएको छ।