कात्तिक २,२०८२ काठमाडौं– कञ्चनपुरका विपिन जोशीको शव भोलि सोमबार फ्लाई दुबईको विमानमार्फत् नेपाल ल्याइँदैछ। विमान दिउँसो त्रिभुवन अन्तर्राष्ट्रिय विमानस्थलमा अवतरण गर्ने तालिका छ।

विपिनप्रति श्रद्धाञ्जली अर्पण गर्न प्रधानमन्त्री, मन्त्रीहरू र परराष्ट्र मन्त्रालयका अधिकारीहरू सहभागी हुने तयारीमा छन्।

२०२३ अक्टोबर ७ मा हमासको आक्रमणमा इजरायलको किबुत्ज क्षेत्रमा विपिन जोशी अपहरणमा परेका थिए। असोज २७ गते इजरायली अधिकारीहरूले उनको मृत्यु पुष्टि गरेका थिए।

युद्धविरामपछिको बन्दी साटासाटमा हमासले विपिनको शव इजरायली पक्षलाई हस्तान्तरण गरेको थियो। डीएनए परीक्षण र फरेन्सिक जाँचबाट अपहरण भएकै समयमा उनको मृत्यु भएको पुष्टि भएको छ।