काठमाडौं । सवारी चालक अनुमतिपत्र (लाइसेन्स) छपाइ र वितरणको काम अनिश्चितकालका लागि रोकिएको छ।

यातायात व्यवस्था विभागले आइतबार सूचना जारी गर्दै अर्को सूचना प्रकाशित नभएसम्मका लागि सवारी चालक अनुमतिपत्र छपाइ तथा वितरण लगायत सूचना–प्रविधिसम्बन्धी सम्पूर्ण प्रणाली बन्द हुने जनाएको छ।

विभागका अनुसार हालै भएको तोडफोड, आगजनी तथा चोरी/लुटपाटका कारण विभागको संरचना, इलेक्ट्रोनिक उपकरण, छपाइ मेसिन र सर्भरमा ठूलो क्षति पुगेको हो। ‘सवारी चालक अनुमतिपत्र तथा विद्युतीय सवारी साधन दर्ता सम्बन्धी सेवा अवरुद्ध हुन पुगेको विषम परिस्थितिमा अर्को सूचना नभएसम्मका लागि सम्पूर्ण प्रणाली बन्द रहनेछ,’ विभागको सूचनामा उल्लेख गरिएको छ।

यस कारण हाल लाइसेन्स लिनका लागि प्रक्रिया अगाडि बढाएका सेवाग्राहीले अर्को सूचना प्रकाशित नभएसम्म सेवा पाउने छैनन्।