काठमाडौं । अन्तरिम सरकार प्रमुख नियुक्तिको मागसहित शुक्रबार बिहान युवाहरूले राष्ट्रपति भवन शीतल निवास अगाडि नाराबाजी गरेका छन्। नाराबाजीका क्रममा उनीहरूले हर्क साम्पाङ र कुलमान घिसिङलाई अन्तरिम सरकार प्रमुख बनाउनु पर्ने आवाज उठाएका थिए।

यसअघि शुशीला कार्कीको नाममा सहमति प्रस्ताव भएपनि आन्दोलनमा सहभागी ‘जेन जी’ समूहका युवाहरूले त्यसको विरोध गर्दै साम्पाङ र घिसिङको नाममा सशक्त नारा लगाए। नाराबाजीको क्रममा सडकमा नेपाली सेनासहित सुरक्षाकर्मी उच्च सतर्कतामा खटिएका थिए।

सडकमा बाक्लो सुरक्षा व्यवस्था, राष्ट्रपति भवन वरिपरि कडा निगरानी र सेना परिचालन गरिएको थियो। सुरक्षाकर्मीहरूले हतियारसहित तयारी अवस्थामा रहँदै सडक र भवन वरिपरि सुरक्षा घेरा बनाएका थिए।