श्रावण २१ ,२०८२ काठमाडौं – कानून, न्याय तथा संसदीय मामिलामन्त्री अजयकुमार चौरसियाले बहुविवाहलाई वैधता दिन लागिएको चर्चा पूर्णरूपमा झुटो भएको स्पष्ट पारेका छन्। प्रतिनिधिसभामा सांसदहरूले उठाएको प्रश्नको जवाफ दिँदै मन्त्री चौरसियाले सरकारले बहुविवाह अनुमति दिने कुनै विधेयक संसदमा पेश नगर्ने प्रतिबद्धता जनाए।

उनले सामाजिक सञ्जाल र सञ्चारमाध्यममा आएका आशंका निराधार भएको बताउँदै समाजलाई नकारात्मक असर पार्ने खालका प्रावधानलाई स्थान नदिने बताए।

मुलुकी अपराध संहितालगायत कानुनहरूमा समयानुकूल सुधारको प्रक्रिया भइरहेको जानकारी दिँदै उनले संसद र सरोकारवालाका सुझावका आधारमा विधेयक परिमार्जन हुने उल्लेख गरे।