श्रावण २१ ,२०८२ स्याङ्जा – लोकगायक पशुपति शर्मा सवार कार स्याङ्जाको भीरकोट नगरपालिका–२ मा बुधबार दिउँसो दुर्घटना भएको छ।

पोखराबाट वालिङतर्फ जाँदै गरेको ग १ च ४१७१ नम्बरको कार अनियन्त्रित भई सडक छेउको कल्भर्टमा ठोक्किएको जिल्ला प्रहरी कार्यालय स्याङ्जाका डीएसपी बाबुराम न्यौपानेले जानकारी दिएका छन्।

दुर्घटनामा कारमा सवार चारैजनालाई गम्भीर चोटपटक नभएको र गायक शर्माको देब्रे हातको कान्छी औंला भाँचिएको डीएसपी न्यौपानेले बताएका छन्। कारमा सामान्य क्षति पुगेको छ। गायक शर्मा सांगीतिक कार्यक्रममा सहभागी हुन स्याङ्जा गएका थिए।