वैशाख ११, २०८२ काठमाडौँ: अमेरिकी राष्ट्रपति डोनाल्ड ट्रम्पले युक्रेनी राष्ट्रपति भोलोडिमिर जेलेन्स्कीलाई शान्ति वार्तालाई बिगारेको आरोप लगाएका छन् ।

यसअघि जेलेन्स्कीले युक्रेनले क्रिमियामाथि रूसी नियन्त्रणलाई मान्यता नदिने बताएका थिए ।

ट्रम्पले सामाजिक सञ्जाल प्लेटफर्म ट्रुथ सोसलमा युद्ध अन्त्य गर्ने सम्झौता ‘धेरै नजिक’ भएको दाबी गरेका थिए, तर जेलेन्स्कीले अमेरिकी सर्तहरू स्वीकार गर्न अस्वीकार गर्दा द्वन्द्व लम्बिने देखिएको छ ।

युक्रेनले लामो समयदेखि क्रिमिया नछोड्ने बताएको छ । यो क्षेत्र २०१४ मा रूसले अवैध रूपमा कब्जा गरेको थियो । तर अमेरिकाले भने क्रिमिया रुसको भएको मान्यता दिएर रुस-युक्रेन युद्धलाई अन्त्य गर्ने रणनीति बनाएको मिडिया रिपोर्टहरुमा दाबि गरिएको छ ।