वैशाख ९, २०८२ काठमाडौँ: आज राष्ट्रिय परीक्षा बोर्डको बैठक बस्दै छ । बोर्डले कक्षा १२ को परीक्षा सञ्चालन सम्बन्धी निर्णय गर्न आज (मंगलबार) बिहान ८ बजेका लागि बैठक बोलाइएको हो ।

वैशाख ११ गतेदेखि सुरु हुने भनिएको कक्षा १२ को परीक्षा संकटमा परेको छ, किनभने परीक्षा व्यवस्थापनमा संलग्न हुने शिक्षकहरू शिक्षा ऐनको मागसहित आन्दोलनमा उत्रिएका छन् । शिक्षक महासंघले परीक्षा बहिष्कार गर्ने निर्णय गरिसकेको छ।

यस्तै, उत्पन्न परिस्थितिको बीचमा शिक्षामन्त्री विद्या भट्टराईले राजीनामा दिएकी छन्, जसले शिक्षा क्षेत्रको अनिश्चिततालाई झन् गहिरो बनाएको छ।