ललितपुर । पत्रकार बिमला भण्डारी यस बर्षको “रोज बहिनी अग्रज नारी रत्न पुरस्कार–२०७६” बाट सम्मानित हुनु भएको छ । नेपाल पत्रकार महासंघ कास्कीका उपाध्यक्ष एवं रेडियो जननी ९०.६ का स्टेसन म्यानेजर भण्डारीलाई गण्डकी प्रदेशमा रहेर पत्रकारीता क्षेत्रमा योगदान दिएको भन्दै सम्मानित गरिएको हो । सम्मान ग्रहण पश्चात् कार्यक्रममा बोल्दै पत्रकार भण्डारीले यो सम्मानले अझ जिम्मेवारीसँगै इमान्दार भएर लागि पर्न हौसला प्रदान भएको बताउनु भएको छ ।

रोज बहिनी अग्रज नारी रत्न पुरस्कार–२०७६ बाट शिक्षाविद् एलीयाम्मा जोन, अग्रज पर्यटन व्यवसायी लक्की कार्की, बरिष्ठ सौन्दर्य्विद् चिनु गुरुङ, उद्यमी रामकली खड्का, गोमा ढकाल, समाजसेवी एवं नेता माया बराल र संस्थाको गण्डकी प्रदेश संयोजक देबी कार्कीलाई सम्मान गरिएको थियो ।
गण्डकी प्रदेशका किशोरी बहिनीहरुलाई लक्षित गरी ‘रोज बहिनी महिला बालबालिका तथा किशोरी स्वास्थ्य शिक्षा र सुरक्षामा समर्पित’ रोज बहिनी सृजनशिल महिला समाजको रोज बहिनी विद्यालय स्वास्थ्य परियोजना अन्तर्गत निशुल्क सेनेटरी प्याड वितरण गरिएको थियो ।