फागुन २९, २०८० काठमाडौँ: सत्ता साझेदार राष्ट्रिय स्वतन्त्र पार्टी (रास्वपा)ले प्रधानमन्त्री प्रचण्डलाई विश्वासको मत दिन आफ्ना सांसदहरूलाई ह्विप जारी गरेको छ । आज बिहान बसेको रास्वपाको संसदीय दलको बैठकले सरकारलाई विश्वासको मत दिने निर्णय गरेको हो ।

रास्वपा संसदीय दलका प्रमुख सचेतक सन्तोष परियारले सबै सांसदलाई अनिवार्य उपस्थिति भएर मत दिन ह्विप जारी गरेको बताए ।

प्रधानमन्त्री पुष्पकमल दाहाल प्रचण्डले फागुन ३० गते एक वर्षकै अवधिमा तेस्रो पटक विश्वासको मत लिँदै छन् । नयाँ सत्ता समीकरण बनेपछि रास्वपा उपप्रधासहित चार मन्त्रालय लिएर सरकारमा सहभागी छ ।