१३ पुस २०७९, काठमाडौँ: नेपाल टी-२० लिगमा एकमात्र अपराजित टिमका रूपमा रहेको लुम्बिनी अल स्टार्स आफ्नो अपराजित यात्रालाई पाँचौँ खेलमा पनि जारी राख्यो । डबल राउन्ड रोविनका आधारमा जारी खेलमा दोस्रो पटक फार वेस्टर्न युनाइटेडविरुद्ध भिडेको लुम्बिनीले सुपर ओभरमा खेल आफ्नो पक्षमा पारेको हो ।

टियु मैदान कीर्तिपुरमा भएको खेलमा फार वेस्टनले दिएको १३८ रनको लक्ष्य पछ्याएको लुम्बिनी निर्धारित २० ओभरमा ९ विकेट गुमाएर १३७ रनमा नै समेटिएपछि खेल बराबरी भएको थियो । तर सुपर ओभरमा लुम्बिनी अल स्टार भाग्यमानी रह्यो ।

पहिले ब्याटिङ गर्दै उसले ६ बलमा १९ रन बनाएको थियो । जवाफमा उक्त लक्ष्य पछ्याएको फार वेस्टर्न १० रनमा नै समेटिन पुगेपछि लुम्बिनिले सुपर ओभरमा ९ रनको जित निकाल्यो । त्यसअघि निर्धारित २० ओभरमा ६ विकेट गुमाएर १ सय ३७ रन जोडेको थियो। पहिलो ब्याटिङ गरेको फारवेस्टर्नका लागि देव खनालले सर्वाधिक ४८ रन बनाए ।

त्यस्तै, हस्मतुल्लाह साहीदीले ३२ रन बनाउँदा भीम सार्कीले १५ रन जोडेका थिए। त्यस्तै करण केसीले १२ रन बनाउँदा विनोद भण्डारीले ११ तथा हसिम अन्सारीले पनि समान ११ रन बनाएका थिए । जवाफमा खराव सुरुवातका बाबजुत लुम्बिनि खेलमा फर्किएको थियो। ओपनर लाहिरु मिलनथाले ३४ रन बनाउँदा त्यसपछिका पाँच ब्याटरले दोहोरो रनको स्कोर बनाउन सकेनन् ।

विपुल शर्माले ३१ रन बनाउँदा गुल्सन झाले ३६ रनको नटआउट इनिङ खेल्दै टिमलाई सुपर ओभरसम्म पुर्‍याएका थिए ।

जितसँगै लुम्बिनी ४ खेलमा जितका साथ ८ अंक जोड्दै शीर्ष स्थानमा कायम रहेको छ । हारसँगै फर वेस्ट २ अंकका साथ चौथो स्थानमा कायमै रहेको छ। फार वेस्ट यसै संस्कणको पहिलो भेटमा पनि लुम्बिनीसँगको खेलमा पराजित भएको थियो ।