८ साउन २०७९, काठमाडौँ : लागुऔषधसहित महोत्तरीमा एकै घरका ३ जना पक्राउ परेका छन् । सिन्धुली दुधौली १० बस्ने श्रीमान प्रदिप सेन्चुरी, श्रीमती दिलमाया भुजेल र प्रदिपका आफन्त २२ वर्षिय विशाल सेन्चुरी पक्राउ परेका हुन् ।

आज अपरान्ह औरही कठुधारास्थित खटिएको प्रहरी टोलीले चेकजाँच गर्ने क्रममा उनीहरुको साथबाट प्रतिबन्धित लागुऔषध नाइट्रोभेट -१० लेखिएको ९९ पिससहित पक्राउ गरेको जिल्ला प्रहरी कार्यालय महोत्तरीले जनाएको छ । प्रहरीको अनुसार तिनै जना बर्दिबास९सम्सी सडक खण्डमा पैदल हिँड्दै गर्दा शंकाका आधारमा चेकजाँच गर्दा उक्त लागुऔषध फेला परेको थियो ।

पक्राउ परेका उनीहरु अहिले इलाका प्रहरी कार्यालय गौशालाको हिरासतमा छन् । उनीहरुलाई जिल्ला अदालत महोत्तरीबाट ५ दिनको म्याद थप गरी अनुसन्धान भइरहेको प्रहरी नायव उपरीक्षक प्रकाश बिष्टले जानकारी दिए ।