२४ माघ २०७८, काठमाडौँ : इन्टरनेट सेवा प्रदायक कम्पनी क्लासिक टेकले ‘नवीकरण सापटी’ अफर ल्याएको छ । जसमा ग्राहकले क्लासिक टेक एपबाट ७ दिनको लागि सापटी लिन सक्नेछन् । साथै, ग्राहकलाई तोकिएका प्याकेजमा एकदिन देखि ७ दिनसम्म नवीकरण सापटी लिन मिल्ने कम्पनीले जनाएको छ ।

कम्पनीले यो सेवा ल्याउनुको मुख्य उद्धेश्य शहरदेखि दुर्गम भेगमासमेत इन्टरनेटको पहुँचलाई सहजीकरण गर्न खोजिएको बताएको छ । यस्ता विशेष अफर कम्पनीले थप ल्याउने योजना बनाएको पनि जनाएको छ । हाल कम्पनीले ७४ जिल्लाका १०३ आउटलेटबाट सेवा सञ्चालन गरिरहेको छ ।