राष्ट्रिय सभा बैठक अनिश्चितकालका लागि स्थगित

प्रकाशित मिति

२०७८ माघ २ गते, आईतवार ०२:२६

२ माघ २०७८, काठमाडौँ : संघीय संसद्अन्तर्गत राष्ट्रिय सभा बैठक अनिश्चितकालका लागि स्थगित भएको छ । भोलि दिउँसो ३ बजेका लागि बोलाइएको बैठक आज सूचना टाँसेर अनिश्चितकालका लागि स्थगित गरिएको हो।यसअघि गत पुस २७ गतेका लागि डाकिएको बैठक पनि स्थगित गरेर भोलिका लागि सारिएको थियो।

तर, विशेष कारणवश सो दिन बस्न नसक्ने भएकाले राष्ट्रिय सभा नियमावली, २०७५ को नियम ६ को उपनियम ९३० बमोजिम अर्को सूचना नभएसम्मका लागि बैठक स्थगित गरिएको संघीय संसदका महासचिव डा.भरतराज गौतमले जारी गरेको सूचनामा उल्लेख छ ।